المشهد الثالث
ـ المشهد الثالث ـ
(نجيبة تعود وبيدها سلّة الغسيل .. تنشر الثياب على المنشر وهي تغنّي)
نجيبة:
ـ1ـ
كَانْ الزَّمَانْ وْكَانْ
عِنَّا (لِيتِلْ) لبْنَانْ
بِالْغُرْبِه نِسْكُنْ فِيهْ
طْفَالْ رْجَالْ وْنِسْوانْ
بِـ إِيدَيْنَا نِبْنِيهْ
بِـ عِينَيْنَا نِحْمِيهْ
تَا نْمَحِّي فِيه الْهِجْرَانْ
ـ2ـ
بُو يُوسِفْ الْمَنْحُوسْ
مَا بَدُّو إِلاَّ فْلُوسْ
أَجَّرْ بلِْبْنَانْ
شِي بْرُوسْ شِي بْلا رُوسْ
شُو جِرَّبْنَا نْحَاكِيهْ
شُو جِرَّبْنَا نْرَاضِيهْ
يَا مِينْ يْقَنِّعْ خُوتَانْ
سعاد:
لَيْشْ عَمْ بِتْعَذّبِي قَلْبِكْ وِتْسِمِّي جِسْمِكْ..
بُو يُوسُفْ أَجَّرُنْ وْخَلَصْ.
نجيبة:
قَاعْدِينْ بْوِجِّي طُولْ النّهَارْ..
إِذَا طِلَّيْتْ عَ الْبَلْكُونْ بِيطِلُّوا قْبَالِي..
وْإِذَا فْتَحْتِ الْبَابْ بْيِطْلَعُوا بْوِجِّي.. بَابُنْ عَ بَابِي..
دَخِيلْ أَللـه رَح إِفْقَعْ..
سعاد:
كَمَانْ هِنِّي بَدُّنْ يْعِيشُوا.. وَلَوْ.. مَا فِي حَدَا يْعِيشْ بِبْلادُو؟!
شُو هَـ الإِيَّامْ اللِّي وْصِلْنَالا؟
عليا:
لَيْكِي.. إِذَا مَا بْتِسِكْتِي بَدِّي إِحِلْشِكْ بِشَعْرِكْ..
سعاد:
مَا فِي حَدَا مِنْكُنْ بْيُؤْمِنْ بِأَللـه؟
عليا:
نِحْنَا مَا مْنُؤْمِنْ بِأَللـه؟!.. هَيِئْتِكْ عَمْ بِتْطَوْلِي لْسَانِكْ..
سعاد:
اللِّي بيُؤمِنْ بِأَللـه بِيحِبّ كِلّْ النَّاسْ..
وْبَسْ يْعَوِّدْ قَلْبُو عَ الْكِرِه بِيبَعِّدْ عَنْ أَللّـه..
عليا:
شُو هَـ الْقَطْش وِالشَّلْح هَيْدا..
خَلّصينا مِنِّك وْمِن فَلْسِفْتِك؟
نجيبة:
لا بَقَى تِحْكُوا.. إِجِتْ وِحْدِه أَبُورِدْجِنِيِّه..
(تدخل ساشا المرأة الأبوريدجنية، وهي ترتدي ثياب الأبوريدجنال،
وتضع على وجهها الخطوط البيضاء، وتكسو جسدها بمسحوق أبيض)
ساشا:
Good morning everyone
سعاد:
Good morning
(نجيبة تعود وبيدها سلّة الغسيل .. تنشر الثياب على المنشر وهي تغنّي)
نجيبة:
ـ1ـ
كَانْ الزَّمَانْ وْكَانْ
عِنَّا (لِيتِلْ) لبْنَانْ
بِالْغُرْبِه نِسْكُنْ فِيهْ
طْفَالْ رْجَالْ وْنِسْوانْ
بِـ إِيدَيْنَا نِبْنِيهْ
بِـ عِينَيْنَا نِحْمِيهْ
تَا نْمَحِّي فِيه الْهِجْرَانْ
ـ2ـ
بُو يُوسِفْ الْمَنْحُوسْ
مَا بَدُّو إِلاَّ فْلُوسْ
أَجَّرْ بلِْبْنَانْ
شِي بْرُوسْ شِي بْلا رُوسْ
شُو جِرَّبْنَا نْحَاكِيهْ
شُو جِرَّبْنَا نْرَاضِيهْ
يَا مِينْ يْقَنِّعْ خُوتَانْ
سعاد:
لَيْشْ عَمْ بِتْعَذّبِي قَلْبِكْ وِتْسِمِّي جِسْمِكْ..
بُو يُوسُفْ أَجَّرُنْ وْخَلَصْ.
نجيبة:
قَاعْدِينْ بْوِجِّي طُولْ النّهَارْ..
إِذَا طِلَّيْتْ عَ الْبَلْكُونْ بِيطِلُّوا قْبَالِي..
وْإِذَا فْتَحْتِ الْبَابْ بْيِطْلَعُوا بْوِجِّي.. بَابُنْ عَ بَابِي..
دَخِيلْ أَللـه رَح إِفْقَعْ..
سعاد:
كَمَانْ هِنِّي بَدُّنْ يْعِيشُوا.. وَلَوْ.. مَا فِي حَدَا يْعِيشْ بِبْلادُو؟!
شُو هَـ الإِيَّامْ اللِّي وْصِلْنَالا؟
عليا:
لَيْكِي.. إِذَا مَا بْتِسِكْتِي بَدِّي إِحِلْشِكْ بِشَعْرِكْ..
سعاد:
مَا فِي حَدَا مِنْكُنْ بْيُؤْمِنْ بِأَللـه؟
عليا:
نِحْنَا مَا مْنُؤْمِنْ بِأَللـه؟!.. هَيِئْتِكْ عَمْ بِتْطَوْلِي لْسَانِكْ..
سعاد:
اللِّي بيُؤمِنْ بِأَللـه بِيحِبّ كِلّْ النَّاسْ..
وْبَسْ يْعَوِّدْ قَلْبُو عَ الْكِرِه بِيبَعِّدْ عَنْ أَللّـه..
عليا:
شُو هَـ الْقَطْش وِالشَّلْح هَيْدا..
خَلّصينا مِنِّك وْمِن فَلْسِفْتِك؟
نجيبة:
لا بَقَى تِحْكُوا.. إِجِتْ وِحْدِه أَبُورِدْجِنِيِّه..
(تدخل ساشا المرأة الأبوريدجنية، وهي ترتدي ثياب الأبوريدجنال،
وتضع على وجهها الخطوط البيضاء، وتكسو جسدها بمسحوق أبيض)
ساشا:
Good morning everyone
سعاد:
Good morning
يَا جَارَه..
الْـ بِيحِبّ أَللـه بِيرِدّ السَّلامْ..
عليا:
فِيكي تْفِلِّي عَ بَيْتِكْ.. تَا نِفْقَعَا قَتْلِه..
سعاد:
يَا عَيْبْ الشُّومْ عْلَيْنَا.. الْمَرَا جَايِي تْنَشِّرْ تْيَابَا..
وْنِحْنَا بَدّنا نِفْقَعَا قَتْلِه.. انشَاللّـه بْتِفْقَعْكُنْ هِيِّي قَتْلِه..
نجيبة:
Hey.. You.. Come here.
What is your name?
ساشا:
سَاشَا..
نجيبة:
Take your dirty clothes of the clothes line,
before I break your head
ساشا:
I am sorry,
this clothes line belongs to everyone
in this building
نجيبة:
Belong to everyone but not to you
ساشا:
Why? What is wrong with me?
نجيبة:
You are an aborigine
ساشا:
What?!
نجيبة:
Go to Darwin, to Ayres rock,
but do not stay here, we do not like you
رَحْ تِعِمْلُولْنَا وَجَعْ بَطَنْ..
ساشا:
سْلامِةْ قَلْبِكْ مِنْ غَيْرْ شَرّ.. هَيْدَا قَدّ مَا بِتْنَامِي كَشِفْ..
نجيبة:
إِنْتِي لِبْنَانيِّي؟
ساشا:
وْمِنْ عِكَّارْ كَمَانْ..
نجيبة:
مُشْ مَعْقُولْ..
إِي لَوْ إِجِتْ إِمِّكْ مِنْ عِكَّارْ مُشْ رَحْ تَعِرْفِكْ!
ساشا:
زَوْجِي أَبُورِدْجِنَالْ..
واللِّي بِتْحِبّ زَوْجَا بْتِعْمِلْ كِلْ شِي بْيِبِسْطُو..
نجيبة:
وْشُو بْيِشْتِغِلْ زَوْجِكْ؟
ساشا:
مدير بَنْكْ.. وْكِنْتْ أَنَا إِشْتِغِلْ مَعُو..
حِبِّيْنَا بَعِضْنَا وِتْجِوَّزْنَا.. الدِّنْيِي قِسْمِه وْنَصِيبْ.
نجيبة:
وِحْيَاةْ مْعَزّتِكْ عِنْدِي.. مُشْ عَمْ صَدِّقْ إِنِّكْ لِبْنَانِيِّه..
ساشا:
صَدّقِي يَا إِخْتِي صَدّقِي..
جِدِّي بْإيَامُو عِمِلْ رَئِيسْ قَبِيلِه بْأَفْرِيقْيَا..
كَانْ هُوِّي أَبْيَضْ وْكِلّ الْقَبِيلِه سَوْدَا..
كِيفْ حَكَمُنْ مَا بَعْرِفْ؟
نجيبة:
خَبّرِيني عَنْ الرِّجَّالْ الأَبُورِدْجِينِي..
ساشا:
آدْمِي كْتِيرْ وْبِيحِبّ مَرْتُو وِوْلاَدُو..
نجيبة:
إِذَا كَانْ هَيْكْ إِيدِي بْزِنَّارِكْ..
عَ شَرْطْ يْكُونْ شَبَبْلِكْ..
ساشا:
لَيْشْ شُو بِهُنْ الشَّبَابْ اللّبْنَانِيِّي؟..
نجيبة:
فَاتْحِينْ شِرْكِةْ إِسْتيرَادْ وْتَصْدِيرْ..
بْيٍسْتَوِرْدُوا نِسْوَانُنْ وْبِيصَدّرُوا بَنَاتُنْ..
ساشا:
يا حَرامْ عْلَيْنَا كِيفْ صَارِتْ آخْرِتْنا
نجيبة:
بِيقُولُوا مَا فِيكِي تِمْشِي بْرِدْفِنْ..
قَدّ ما فِي زِعْرَانْ أَبُورِدْجِنَالْ..
ساشا:
وْبِيقُولُوا كَمَانْ مَا فِيكِي تِمْشِي بْبَانْكِسْتَاوْنْ
قَدّ مَا فِي زِعْرَانْ لِبْنَانِيّي..
نجيبة:
لازِمْ الْقَانُونْ يْكُونْ صَارِمْ..
اللّي بْيِقْتُلْ لازِمْ يِنِشْنِقْ أَوْ يْتَخْتِخْ بِالْحَبِسْ..
هَاتِي تَا سَاعْدِكْ بْنَشْرِ التّيَابْ.
ساشا:
لا مَعْلَيْشْ.. هَلَّقْ بْنَشِّرُنْ عَ الْبَلْكُونْ..
هَوْنِيكْ بِينَشّفُوا بْسِرْعَه.
نجيبة:
حْكِيلِي مَعْ زَوْجِكْ يْدَيِّنِّي شِي قِرْشَيْنْ
ساشا:
شُو بِكِي يا جارَه؟..
سَاعَه بَدِّكْ رِجَّالْ، سَاعَه بَدِّكْ أَمْوالْ..
قُولِيلي شُو بَدِّكْ؟
نجيبة:
بَدِّي ياكِي تِجِي تِشْرَبِي فِنْجانْ قَهْوِه عِنْدِي
قَلْبِي انْفَتَحْلِكْ يا جارِتْنا..
ساشا:
عَ شَرْط تْكُون الْقَهْوِه مُرَّه..
**
الْـ بِيحِبّ أَللـه بِيرِدّ السَّلامْ..
عليا:
فِيكي تْفِلِّي عَ بَيْتِكْ.. تَا نِفْقَعَا قَتْلِه..
سعاد:
يَا عَيْبْ الشُّومْ عْلَيْنَا.. الْمَرَا جَايِي تْنَشِّرْ تْيَابَا..
وْنِحْنَا بَدّنا نِفْقَعَا قَتْلِه.. انشَاللّـه بْتِفْقَعْكُنْ هِيِّي قَتْلِه..
نجيبة:
Hey.. You.. Come here.
What is your name?
ساشا:
سَاشَا..
نجيبة:
Take your dirty clothes of the clothes line,
before I break your head
ساشا:
I am sorry,
this clothes line belongs to everyone
in this building
نجيبة:
Belong to everyone but not to you
ساشا:
Why? What is wrong with me?
نجيبة:
You are an aborigine
ساشا:
What?!
نجيبة:
Go to Darwin, to Ayres rock,
but do not stay here, we do not like you
رَحْ تِعِمْلُولْنَا وَجَعْ بَطَنْ..
ساشا:
سْلامِةْ قَلْبِكْ مِنْ غَيْرْ شَرّ.. هَيْدَا قَدّ مَا بِتْنَامِي كَشِفْ..
نجيبة:
إِنْتِي لِبْنَانيِّي؟
ساشا:
وْمِنْ عِكَّارْ كَمَانْ..
نجيبة:
مُشْ مَعْقُولْ..
إِي لَوْ إِجِتْ إِمِّكْ مِنْ عِكَّارْ مُشْ رَحْ تَعِرْفِكْ!
ساشا:
زَوْجِي أَبُورِدْجِنَالْ..
واللِّي بِتْحِبّ زَوْجَا بْتِعْمِلْ كِلْ شِي بْيِبِسْطُو..
نجيبة:
وْشُو بْيِشْتِغِلْ زَوْجِكْ؟
ساشا:
مدير بَنْكْ.. وْكِنْتْ أَنَا إِشْتِغِلْ مَعُو..
حِبِّيْنَا بَعِضْنَا وِتْجِوَّزْنَا.. الدِّنْيِي قِسْمِه وْنَصِيبْ.
نجيبة:
وِحْيَاةْ مْعَزّتِكْ عِنْدِي.. مُشْ عَمْ صَدِّقْ إِنِّكْ لِبْنَانِيِّه..
ساشا:
صَدّقِي يَا إِخْتِي صَدّقِي..
جِدِّي بْإيَامُو عِمِلْ رَئِيسْ قَبِيلِه بْأَفْرِيقْيَا..
كَانْ هُوِّي أَبْيَضْ وْكِلّ الْقَبِيلِه سَوْدَا..
كِيفْ حَكَمُنْ مَا بَعْرِفْ؟
نجيبة:
خَبّرِيني عَنْ الرِّجَّالْ الأَبُورِدْجِينِي..
ساشا:
آدْمِي كْتِيرْ وْبِيحِبّ مَرْتُو وِوْلاَدُو..
نجيبة:
إِذَا كَانْ هَيْكْ إِيدِي بْزِنَّارِكْ..
عَ شَرْطْ يْكُونْ شَبَبْلِكْ..
ساشا:
لَيْشْ شُو بِهُنْ الشَّبَابْ اللّبْنَانِيِّي؟..
نجيبة:
فَاتْحِينْ شِرْكِةْ إِسْتيرَادْ وْتَصْدِيرْ..
بْيٍسْتَوِرْدُوا نِسْوَانُنْ وْبِيصَدّرُوا بَنَاتُنْ..
ساشا:
يا حَرامْ عْلَيْنَا كِيفْ صَارِتْ آخْرِتْنا
نجيبة:
بِيقُولُوا مَا فِيكِي تِمْشِي بْرِدْفِنْ..
قَدّ ما فِي زِعْرَانْ أَبُورِدْجِنَالْ..
ساشا:
وْبِيقُولُوا كَمَانْ مَا فِيكِي تِمْشِي بْبَانْكِسْتَاوْنْ
قَدّ مَا فِي زِعْرَانْ لِبْنَانِيّي..
نجيبة:
لازِمْ الْقَانُونْ يْكُونْ صَارِمْ..
اللّي بْيِقْتُلْ لازِمْ يِنِشْنِقْ أَوْ يْتَخْتِخْ بِالْحَبِسْ..
هَاتِي تَا سَاعْدِكْ بْنَشْرِ التّيَابْ.
ساشا:
لا مَعْلَيْشْ.. هَلَّقْ بْنَشِّرُنْ عَ الْبَلْكُونْ..
هَوْنِيكْ بِينَشّفُوا بْسِرْعَه.
نجيبة:
حْكِيلِي مَعْ زَوْجِكْ يْدَيِّنِّي شِي قِرْشَيْنْ
ساشا:
شُو بِكِي يا جارَه؟..
سَاعَه بَدِّكْ رِجَّالْ، سَاعَه بَدِّكْ أَمْوالْ..
قُولِيلي شُو بَدِّكْ؟
نجيبة:
بَدِّي ياكِي تِجِي تِشْرَبِي فِنْجانْ قَهْوِه عِنْدِي
قَلْبِي انْفَتَحْلِكْ يا جارِتْنا..
ساشا:
عَ شَرْط تْكُون الْقَهْوِه مُرَّه..
**
