المشهد الثاني
ـ المشهد الثاني ـ
(يخرج سكان البناية من شققهم والغضب بادٍ عليهم)
نجيبة:
عِمِلاَ بُو يُوسِفْ.. أَجَّرْ كِلْ الشّقَقْ الفَاضْيِه..
وْمَا عَادْ فِي شِبَّاكْ مْسَكَّرْ..
سعاد:
عَظِيمْ.. وْإِنْتِي لَيْشْ زِعْلانِه؟.. أَللـه يِرِزْقُو
نجِيبة:
لأنْ حَضِرْتُو.. أجّرْ جَمَاعِةْ الأَبُورِدْجِنال
عليا:
جَماعِةْ مِينْ؟!.. أَللـه لا يْوَفّقُو.. سَكَّنْ غِرِبْ بَيْنَاتْنَا
سعاد:
الأَبُورِدجِنَالْ مُشْ غِرِبْ.. هَـ الِبْلادْ بْلاَدُنْ..
وْنِحْنَا الْغِرِبْ يَا نَجِيبِه!
نجيبة:
فَشَرْ.. أَنَا مُشْ غَرِيبِه.. هَيْدَا بَازَابِرْتِي..
خِدُوا قْرُوا شُو مَكْتُوبْ فيه .. نَجِيبِه الأُسِتْرالِيِّه..
سعاد:
بَسّ هِنِّي أَهِلْ الِبْلادْ الأَصْلِيّينْ..
كَانُوا هَوْنْ قَبْلْ الْكَابْتِنْ كُوكْ بْمَلْيُونْ سِنِه
نجيبة:
مِينُو هَيْدَا الْكَابْتِنْ كُوكْ..
جِدِّي بُو حَنَّا وِصِلْ قَبِلْ مِنُّو؟
سعاد:
شُو هَـ الْحَكِي يَا نَجِيبِه..
الْكَابْتِنْ كُوكْ هُوِّي اللّي اكْتَشَفْ أستراليا؟
نَجيبة:
جِدِّي بُو حَنَّا كَانْ مَعُو بِالْمَرْكَبْ..
وْلِمِّنْ وِصْلُوا عَ أُسترالْيَا
وْشَافُوا الأَبُورِيدجِنَال فِزْعُوا يِنِزْلُوا..
قَامْ جِدِّي بُو حَنَّا فَتَّلْ شْوَارْبُو وْنِزِلْ
(يخرج سكان البناية من شققهم والغضب بادٍ عليهم)
نجيبة:
عِمِلاَ بُو يُوسِفْ.. أَجَّرْ كِلْ الشّقَقْ الفَاضْيِه..
وْمَا عَادْ فِي شِبَّاكْ مْسَكَّرْ..
سعاد:
عَظِيمْ.. وْإِنْتِي لَيْشْ زِعْلانِه؟.. أَللـه يِرِزْقُو
نجِيبة:
لأنْ حَضِرْتُو.. أجّرْ جَمَاعِةْ الأَبُورِدْجِنال
عليا:
جَماعِةْ مِينْ؟!.. أَللـه لا يْوَفّقُو.. سَكَّنْ غِرِبْ بَيْنَاتْنَا
سعاد:
الأَبُورِدجِنَالْ مُشْ غِرِبْ.. هَـ الِبْلادْ بْلاَدُنْ..
وْنِحْنَا الْغِرِبْ يَا نَجِيبِه!
نجيبة:
فَشَرْ.. أَنَا مُشْ غَرِيبِه.. هَيْدَا بَازَابِرْتِي..
خِدُوا قْرُوا شُو مَكْتُوبْ فيه .. نَجِيبِه الأُسِتْرالِيِّه..
سعاد:
بَسّ هِنِّي أَهِلْ الِبْلادْ الأَصْلِيّينْ..
كَانُوا هَوْنْ قَبْلْ الْكَابْتِنْ كُوكْ بْمَلْيُونْ سِنِه
نجيبة:
مِينُو هَيْدَا الْكَابْتِنْ كُوكْ..
جِدِّي بُو حَنَّا وِصِلْ قَبِلْ مِنُّو؟
سعاد:
شُو هَـ الْحَكِي يَا نَجِيبِه..
الْكَابْتِنْ كُوكْ هُوِّي اللّي اكْتَشَفْ أستراليا؟
نَجيبة:
جِدِّي بُو حَنَّا كَانْ مَعُو بِالْمَرْكَبْ..
وْلِمِّنْ وِصْلُوا عَ أُسترالْيَا
وْشَافُوا الأَبُورِيدجِنَال فِزْعُوا يِنِزْلُوا..
قَامْ جِدِّي بُو حَنَّا فَتَّلْ شْوَارْبُو وْنِزِلْ
عَلْيَا:
قِصّتِكْ حِلْوِه يَا نَجِيبِه.. وْشُو قَلُّنْ لِمِّنْ نِزِلْ؟
نَجيبة:
قَلُّنْ: مَرْحَبَا شَبَابْ.. كِيفْكُنْ الْيَوم؟
DO YOU SPEAK LEBANESE?
سُعاد:
هَيْدَا حَكِي مَا بْيِتْصَدَّقْ يَا نَجِيبِه
نَجِيبة:
مُشْ بَسّ هَيْكْ ..
سَحَبْ مِنْ جَيْبِةْ شِرْوَالُو قِرِصْ كِبِّه
وْقَلُّنْ: خِدُوا دُوقُوا..
أَللّـه يْسَامْحُو مَا خَلاَّهُنْ يْنَامُوا كِلّ اللّيْلْ..
كَانُوا فَطْسُوا مْنِ الرِّيحَه
عَليا:
شِفْتُوا يَا جَمَاعَه.. هَـ الِبْلادْ بْلاَدْنَا..
وْمَا لازِمْ نِتْخَلَّى عَنْهَا تَا يْرَجّعُولنَا قِرْصِ الْكِبِّه..
نجيبة:
الأبوردجيني قَاعِدْ بِحْضانْنا..
وْإِنْتُو عَمْ تِحْكُوا بْقِرْصْ الْكِبِّه..
رُوحُوا شُوفُوهُنْ مْعِبَّايِينْ الشَّارِعْ..
مِتْلِ الحَارْجِه بِالبَارَه.. شِي بْرُوسْ شِي بْلا رُوسْ
عَليا:
أَللّـه يِخْرُبْ بَيْتَكْ يَا بُو يُوسِفْ
عْمِلْتْ مِتْلِ حْكُومَاتْ بْلادْنَا.. بِتْفَوِّتْ عَنْ بُو جَنَبْ..
وْمَا عِدْنَا نَعْرِفْ شُو لَوْنْ إِبْنِ الشّمَالْ
وْلا شُو لَوْنْ إِبِنْ بَيْرُوتْ
رستم:
تْرِكُوا هَـ الشَّعبْ يْعِيشْ بِسَلامْ.. هَـ الِبْلادْ بْلادُو..
بْيِكْفِي شُو عِمْلُوا فِيهْ بْتَزْمَانْيَا..
نجيبة:
وْشُو عِمْلُوا فِيه بْتَزْمَانْيَا.. يَا ذكي عصرك؟
رستم:
الشّعبِ الأَبْيَضْ مِشِي صَفّ وَاحِدْ
مِنْ أَوَّل الْجَزِيرِه لآخِرْهَا..
وْصَارْ يْقَتِّلْ بالشَّعْبِ الأَبُورِدْجِينِي..
أَطْفَالْ وْنِسْوَانْ وْخِتْيَارِيِّه..
واللّي بِقِي طَيِّبْ زَتّْ حَالُو مِنْ رَاسْ الْجَبَلْ وْمَاتْ..
مَجزْرَه مَا بِيصَدّقْهَا عَقِلْ..
سعاد:
أَنَا بْقُولْ إِنُّو الشَّعْب الأَبْيَضْ لازِمْ يِعْتِذِرْ مْنِ الأَبُورِدجِنَالْ
نَجيبة:
مَا لازِمْ يِعْتِذِرْ أَبَداً.. اللّي فَاتْ فَاتْ واللّي مَاتْ مَاتْ..
فِخَّارْ يْكَسِّرْ بَعْضُو..
سُعاد:
كِلْمِة (سوري) بْتِمْحِي إِشْيَا كْتِيرِه
مسعود:
(يدخل فجأة وهو يقفز مثل الكانغرو)
SORRY.. SORRY.. SORRY.. SORRY..
سُعاد:
(تجفل منه)
الْعَمَى بْقَلْبَكْ فِزَّعتْنِي ..
شُو باكْ نَازِلْ SORRY .. SORRY عَنْ بُو جَنَبْ؟
مسعود:
بَدّي مَحِّي إِشْيَا كْتِيرِه.. أستْرَالْيَا عَمْ تِخْرَبْ
سعاد:
مْبَارِحْ ضَرَبْ كُوعِي بْكُوعْ وَاحِدْ أَبُورِدْجِينِي..
قِلْتِلُّو: سوري.. قَللّي: شُكْراً
رستم:
قَلِّكْ شُكراً... شُكراً.. متل ما مْنِحْكِي نِحْنا؟!
سعاد:
مُشْ شُكْراً شُكْراً.. قَللِّي (سُكْرَا.. سُكْرَا)..
وْأَنَا فْهِمْتَا شُكراً
نَجيبة:
يَا بَاطِلْ.. صَارُوا عَمْ يِحْكُوا لُغّتْنَا..
صَارُوا عَمْ يِفْهَمُوا عْلَيْنَا.. يِمْكِنْ يْكُونُوا مُخَابَرَاتْ
مسعود:
يَا حَرَامْ عَ هَـ الْحِرْمِه..
بَعْدَا مْفَكّرَه حَالا بْلِبْنَانْ..
هَوْنْ مَا في مُخَابَرَاتْ يَا نَجيبة..
نَامِي وْغَمّضِي عْيُونِكْ
عليا:
كِيفْ بَدَّا تْنَامْ..
وْفِي نَاسْ عَمْ بِتْقَرقِعْ عْلَينَا وْعَ الأَبُورِدْجِنَالْ؟
نجيبة:
مُشْ شَايْفِينْ شُو عَمْ بِيصِيرْ؟..
مَا بَدُّنْ غِرْبِيِّه بْهَـ الِبْلادْ!
رستم:
مَا بْيِطْلَعْ بْإِيدُنْ شِي..
كِلّ الشَّعْبْ الأُسْترَالِي ضِدّ العُنْصُرِيِّه..
مَا بْتِسْمَعٌوا الْبَنْك الْعَرَبِي شُو بِيقُول:
صَامِدُونَ كَالصَّخِرْ..
عليا:
خِرِبْنَا بُو يُوسِفْ.. بَاعْ شَعْبْ بْلادُو بْمِيةْ دُولارْ..
كِنَّا عَايْشِينْ بْأَلِفْ خَيْرْ.. شُو بَدُّو بِالأَبُورِدْجِنَالْ؟..
رستم:
آخْ عَ هَـ الِمْصِيبِه اللّي وْقَعْنَا فِيهَا..
خَايِفْ لَمَرْتِي تِتْوَحَّمْ عَ شِي وَاحِدْ مِنُّنْ..
وِيْجِينِي صَبِي مُشْ مَعْرُوفْ كيف شكلُو..
مسعود:
تَا قُومْ رُوحْ عَ الْبَيْتْ..
عِنْدِي بِنْتْ جِهْلانِه شْوَيْ..
شَاقَّه الأَرْضْ وْطَالْعَه مِنَّا..
لَتْقُومْ تِنِغْرِم بْشِي وَاحِدْ مِنُّنْ..
وْخَلِّصْ إِذَا فِيكْ تْخَلِّصْ يَا بُو سَامِي.
دِيدْجِيرِيدُو مِنْ عَبِكْرَا..
وْحِزِّقْ مِزِّقْ مِنْ عَشِيِّه.
نجيبة:
رُوحُوا تَا نْشُوف شُو بَدّنَا نِعْمِلْ مَعْ هَـ الْمَفْزُورْ بُو يُوسِفْ.
عليا:
الْيَوْمْ يَوْمَكْ يَا بُو يُوسِف.
قِصّتِكْ حِلْوِه يَا نَجِيبِه.. وْشُو قَلُّنْ لِمِّنْ نِزِلْ؟
نَجيبة:
قَلُّنْ: مَرْحَبَا شَبَابْ.. كِيفْكُنْ الْيَوم؟
DO YOU SPEAK LEBANESE?
سُعاد:
هَيْدَا حَكِي مَا بْيِتْصَدَّقْ يَا نَجِيبِه
نَجِيبة:
مُشْ بَسّ هَيْكْ ..
سَحَبْ مِنْ جَيْبِةْ شِرْوَالُو قِرِصْ كِبِّه
وْقَلُّنْ: خِدُوا دُوقُوا..
أَللّـه يْسَامْحُو مَا خَلاَّهُنْ يْنَامُوا كِلّ اللّيْلْ..
كَانُوا فَطْسُوا مْنِ الرِّيحَه
عَليا:
شِفْتُوا يَا جَمَاعَه.. هَـ الِبْلادْ بْلاَدْنَا..
وْمَا لازِمْ نِتْخَلَّى عَنْهَا تَا يْرَجّعُولنَا قِرْصِ الْكِبِّه..
نجيبة:
الأبوردجيني قَاعِدْ بِحْضانْنا..
وْإِنْتُو عَمْ تِحْكُوا بْقِرْصْ الْكِبِّه..
رُوحُوا شُوفُوهُنْ مْعِبَّايِينْ الشَّارِعْ..
مِتْلِ الحَارْجِه بِالبَارَه.. شِي بْرُوسْ شِي بْلا رُوسْ
عَليا:
أَللّـه يِخْرُبْ بَيْتَكْ يَا بُو يُوسِفْ
عْمِلْتْ مِتْلِ حْكُومَاتْ بْلادْنَا.. بِتْفَوِّتْ عَنْ بُو جَنَبْ..
وْمَا عِدْنَا نَعْرِفْ شُو لَوْنْ إِبْنِ الشّمَالْ
وْلا شُو لَوْنْ إِبِنْ بَيْرُوتْ
رستم:
تْرِكُوا هَـ الشَّعبْ يْعِيشْ بِسَلامْ.. هَـ الِبْلادْ بْلادُو..
بْيِكْفِي شُو عِمْلُوا فِيهْ بْتَزْمَانْيَا..
نجيبة:
وْشُو عِمْلُوا فِيه بْتَزْمَانْيَا.. يَا ذكي عصرك؟
رستم:
الشّعبِ الأَبْيَضْ مِشِي صَفّ وَاحِدْ
مِنْ أَوَّل الْجَزِيرِه لآخِرْهَا..
وْصَارْ يْقَتِّلْ بالشَّعْبِ الأَبُورِدْجِينِي..
أَطْفَالْ وْنِسْوَانْ وْخِتْيَارِيِّه..
واللّي بِقِي طَيِّبْ زَتّْ حَالُو مِنْ رَاسْ الْجَبَلْ وْمَاتْ..
مَجزْرَه مَا بِيصَدّقْهَا عَقِلْ..
سعاد:
أَنَا بْقُولْ إِنُّو الشَّعْب الأَبْيَضْ لازِمْ يِعْتِذِرْ مْنِ الأَبُورِدجِنَالْ
نَجيبة:
مَا لازِمْ يِعْتِذِرْ أَبَداً.. اللّي فَاتْ فَاتْ واللّي مَاتْ مَاتْ..
فِخَّارْ يْكَسِّرْ بَعْضُو..
سُعاد:
كِلْمِة (سوري) بْتِمْحِي إِشْيَا كْتِيرِه
مسعود:
(يدخل فجأة وهو يقفز مثل الكانغرو)
SORRY.. SORRY.. SORRY.. SORRY..
سُعاد:
(تجفل منه)
الْعَمَى بْقَلْبَكْ فِزَّعتْنِي ..
شُو باكْ نَازِلْ SORRY .. SORRY عَنْ بُو جَنَبْ؟
مسعود:
بَدّي مَحِّي إِشْيَا كْتِيرِه.. أستْرَالْيَا عَمْ تِخْرَبْ
سعاد:
مْبَارِحْ ضَرَبْ كُوعِي بْكُوعْ وَاحِدْ أَبُورِدْجِينِي..
قِلْتِلُّو: سوري.. قَللّي: شُكْراً
رستم:
قَلِّكْ شُكراً... شُكراً.. متل ما مْنِحْكِي نِحْنا؟!
سعاد:
مُشْ شُكْراً شُكْراً.. قَللِّي (سُكْرَا.. سُكْرَا)..
وْأَنَا فْهِمْتَا شُكراً
نَجيبة:
يَا بَاطِلْ.. صَارُوا عَمْ يِحْكُوا لُغّتْنَا..
صَارُوا عَمْ يِفْهَمُوا عْلَيْنَا.. يِمْكِنْ يْكُونُوا مُخَابَرَاتْ
مسعود:
يَا حَرَامْ عَ هَـ الْحِرْمِه..
بَعْدَا مْفَكّرَه حَالا بْلِبْنَانْ..
هَوْنْ مَا في مُخَابَرَاتْ يَا نَجيبة..
نَامِي وْغَمّضِي عْيُونِكْ
عليا:
كِيفْ بَدَّا تْنَامْ..
وْفِي نَاسْ عَمْ بِتْقَرقِعْ عْلَينَا وْعَ الأَبُورِدْجِنَالْ؟
نجيبة:
مُشْ شَايْفِينْ شُو عَمْ بِيصِيرْ؟..
مَا بَدُّنْ غِرْبِيِّه بْهَـ الِبْلادْ!
رستم:
مَا بْيِطْلَعْ بْإِيدُنْ شِي..
كِلّ الشَّعْبْ الأُسْترَالِي ضِدّ العُنْصُرِيِّه..
مَا بْتِسْمَعٌوا الْبَنْك الْعَرَبِي شُو بِيقُول:
صَامِدُونَ كَالصَّخِرْ..
عليا:
خِرِبْنَا بُو يُوسِفْ.. بَاعْ شَعْبْ بْلادُو بْمِيةْ دُولارْ..
كِنَّا عَايْشِينْ بْأَلِفْ خَيْرْ.. شُو بَدُّو بِالأَبُورِدْجِنَالْ؟..
رستم:
آخْ عَ هَـ الِمْصِيبِه اللّي وْقَعْنَا فِيهَا..
خَايِفْ لَمَرْتِي تِتْوَحَّمْ عَ شِي وَاحِدْ مِنُّنْ..
وِيْجِينِي صَبِي مُشْ مَعْرُوفْ كيف شكلُو..
مسعود:
تَا قُومْ رُوحْ عَ الْبَيْتْ..
عِنْدِي بِنْتْ جِهْلانِه شْوَيْ..
شَاقَّه الأَرْضْ وْطَالْعَه مِنَّا..
لَتْقُومْ تِنِغْرِم بْشِي وَاحِدْ مِنُّنْ..
وْخَلِّصْ إِذَا فِيكْ تْخَلِّصْ يَا بُو سَامِي.
دِيدْجِيرِيدُو مِنْ عَبِكْرَا..
وْحِزِّقْ مِزِّقْ مِنْ عَشِيِّه.
نجيبة:
رُوحُوا تَا نْشُوف شُو بَدّنَا نِعْمِلْ مَعْ هَـ الْمَفْزُورْ بُو يُوسِفْ.
عليا:
الْيَوْمْ يَوْمَكْ يَا بُو يُوسِف.
**
